محمد السرغيني: شخصية سنة 2019 بجهة الشرق في صناعة المحتوى

محمد السرغيني

أول فيديو درتو على قناتي اليوم يصل إلى 2 مليون مشاهدة ، الفيديو مصور فقط بهاتف سامسونج س4  والتعديل بحاسوب بانتيم D ، فالحقيقة كانت الأمور زوينة وكان الإنسان كله حماسة وحب للمجال لي هو فيه ” التقنية ” .. لكن شاء الله لأسباب خارجة عن الإرادة نتاعي غبت عن الساحة لمدة سنة كاملة وهاد شي كان كفيل باش أنني نراجع أوراقي ونحاول نستثمر فالعلاقات أكثر من الخدمة .. جربت بزاف ديال الأمور ولكن مكملتش فيها من بينها أنني خدمة على قناة أخرى فمجال آخر وكان ساهل باش أنني نجيب ملايين المشاهدات فوقت قصير خدمت مع منابر إعلامية ولكن راحتي بكل صراحة ملقيتهاش فداك شي كامل، فالبداية ديال 2019 رجعت للتدوين والحمد لله قدرت أنني نكون مدون السنة ، من بعد رجعت بشكل متقطع للفيديوهات ، بالإضافة لتطوير نفسي باش أنني نحقق واحد الحاجة لي كنت نحلم بها ولي هي أنني نكون كمتحدث أمام الجمهور ، التجربة ديالي بدات ونجحت فيها ولله الحمد فوق خشبات كبيرة بزاف من أشهرها TedX ، أفضل متحدث أمام الجمهور ، المعرض الدولي للكتاب  … كما أنني فرحان بزاف حيت تم إختياري كشخصية السنة بالجهة الشرقية ، والشخصية الأكثر تأثير بالمنطقة .منكدبش نقول أنني سعيد فكل الأوقات حيت فهاد العام الأخير بكيت كثر مفرحت ولكن عارف أن الحياة تجارب ومحطات وخاص الإنسان ينجح فكل إمتحان بأقل الأضرار .لي نواعدكم بيه هو أن هاد العام غادي يكون مختلف بزاف حيت عندي مخططات أفضل ونتمنى أنني منخسرش فيها .ولي عندو شي هدف ولا حلم يقاااتل علييه ، غادي طيح وطيييح ولكن إذا قاتلت غادي توصل .بزاف ديال الحب كنبغييييكم


لحظة تتويج محمد السرغيني كأحسن مدون في المغرب بعدسة القناة الثانية

https://www.youtube.com/user/NeTworksTuBe

عنوان قناة NetworksTube الخاصة بمحمد السرغيني

https://www.youtube.com/user/NeTworksTuBe

تم إختيار محمد السرغيني كشخصية سنة 2019 بجهات الشرق في صناعة المحتوى

كن أول من يعلق

أضف تعليقاً

لن يتم نشر عنوان بريدك الإلكتروني.


*